1 мамыр - Қазақстан халқының бірлігі күні қарсаңында колледжде «Достық - біздің тірегіміз» атты жарқын әрі мазмұнды мерекелік іс-шара өтті

1 мамыр - Қазақстан халқының бірлігі күні қарсаңында колледжде «Достық - біздің тірегіміз» атты жарқын әрі мазмұнды мерекелік іс-шара өтті. Бұл мереке достықтың, өзара құрмет пен мәдени әртүрліліктің шынайы көрінісіне айналды. Колледж студенттері іс-шараға ерекше шабытпен қатысты: сахнада патриоттық өлеңдер оқылып, мың бұралған билер орындалды. Ал ұлттық киімдердің көз тартар шеруі жиналған қауымға түрлі халықтардың салт-дәстүрлерімен тереңірек танысуға мүмкіндік берді. Қатысушылар ұсынған ұлттық дәмдер мен мерекелік дастарқан шараға ерекше қонақжайлылық пен жылылық сыйлады. Салтанатты кеш барша қатысушыларға көтеріңкі көңіл-күй сыйлап, бірлікті нығайтуға және достық пен өзара түсіністік құндылықтарын дәріптеуге септігін тигізді.